20 гадоў таму, 15 лютага 1993 году, блаславёны Папа Ян Павал ІІ прызначыў ераманаха Сяргея Гаека, з Ордэна айцоў-марыянаў, Апостальскім Візітатарам для грэка-католікаў Беларусі. У 1996 г. ераманах Сяргей быў павышаны ў сан архімандрыта і атрымаў архімандрыцкую хіратэсію.

 

Угодкі 20-годдзя служэння Апостальскага Візітатара прыпадаюць на час Вялікага Посту, таму літургічнае святкаванне пераносіцца на велікодны пэрыяд, у рамках Пасхальнай Пяцідзясятніцы.

 

10 лютага 2013 г. беларускія грэка-каталікі святкавалі Даравальную нядзелю - апошнюю нядзелю перад пачаткам Вялікага посту. Па даўняй традыцыі ў гэты дзень усе просяць прабачэння адзін у аднаго, каб увайсці ў час вялікай Чатырохдзясятніцы са спакойным сумленнем і душэўным мірам.

Пакуль наша група з Менску ехала ў Рым на моладзевае спатканне, арганізаванае  супольнасцю Тэзэ з 28 снежня да 2 студзеня 2013 г., у нас была добрая нагода для знаёмства. Гэта заўседы цікавы досвед – пазнаць новых хрысціян і навучыцца чагосьці ад іх.

6 студзеня 2013 г. грэка-каталіцкая парафія Маці Божай Нястомнай Дапамогі ў Менску адсвяткавала свята Хрышчэння Гасподняга. 

25 снежня хрысціянскі свет святкуе свята Нараджэння Хрыстовага. У гэты дзень з храмаў усяго свету ліюцца ўдзячныя малітвы і песні, якія ўзвялічваюць народжанага Збаўцу. Сярод гэтай плыні да неба пралуналі таксама і шчырыя маленні вернікаў парафіі Маці Божай Нястомнай Дапамогі ў Менску.