Патрыярх Халдэйскай Каталіцкай Царквы наведаў рэдэмптарыстаў у Рыме
Новаабраны Патрыярх Халдэйскай Каталіцкай Царквы наведаў дом святога Альфонса (Casa San Alfonso) і Генеральную курыю рэдэмптарыстаў 13 красавіка 2026 года. Яго суправаджаў архібіскуп Эрбіля ў Іраку, наш сабрат Башар Варда, CSsR.
Архібіскуп Эміль Шымун Нона быў абраны новым Патрыярхам Халдэйскай Каталіцкай Царквы ў нядзелю, 12 красавіка 2026 года, пасля адстаўкі яго папярэдніка, кардынала Луіса Рафаэля Сако, пра якую было абвешчана 10 сакавіка. Новы Патрыярх прыняў імя Павел III. На дадзены момант ён з’яўляецца архібіскупам Халдэйскай епархіі святога апостала Тамаша ў Сіднеі і нясе пастырскую адказнасць за католікаў халдэйскага абраду ў Аўстраліі і Новай Зеландыі. Інтранізацыя новага Патрыярха адбудзецца ў Багдадзе 15 мая 2026 года.
Новаабраны Патрыярх падзякаваў генеральнаму настаяцелю за гады адданага і руплівага служэння першых рэдэмптарыстаў з Бельгіі, а таксама за іх уклад у жыццё Халдэйскай Каталіцкай Царквы ў Іраку і ў фармацыю святароў, манахаў і вернікаў, уключаючы самога Патрыярха. Патрыярх выказаў спадзяванне, што ў будучыні рэдэмптарысты ўмацуюць місію ў Іраку большай колькасцю сабратоў.
Знамянальна, што свой першы візіт пасля выбрання Патрыярхам тут, у Рыме, 12 красавіка 2026 года, ён здзейсніў 13 красавіка 2026 года ў Генеральную ўправу і супольнасць рэдэмптарыстаў. Ён і архібіскуп Варда паабедалі ў супольнасці Каса-Сан-Альфонса, а затым спыніліся памаліцца перад іконай Маці Божай Нястомнай Дапамогі ў санктуарыі. Яны абодва праспявалі на арабскай мове ў гонар Багародзіцы спеў у халдэйскім абрадзе, а затым у малітве перад іконай папрасілі блаславення і заступніцтва Найсвяцейшай Маці для новага служэння, якое прымае новаабраны Патрыярх Павел III.
Айцец Ражэрыу Гомес, CSsR, генеральны настаяцель, падзякаваў Патрыярху за візіт і выказаў жаданне працягваць місію рэдэмптарыстаў у Іраку.
Каментары:
Facebook