Сустрэча богапасвячаных асобаў Менска-Магілёўскай рыма-каталіцкай архідыяцэзіі з нагоды Дня богапасвячанага жыцця, які адзначаецца штогод у свята Сустрэчы Госпада нашага Ісуса Хрыста, адбылася у менскай парафіі св. Яна Хрысціцеля 4 лютага 2014 г. Беларускую Грэка-Каталіцкую Царкву на сустрэчы прадстаўлялі апостальскі візітатар для грэка-каталікоў Беларусі архімандрыт Сяргей Гаек і а. Зміцер Чарнель, рэдэмптарыст. Святую Імшу ўзначаліў дапаможны біскуп архідыяцэзіі Юрый Касабуцкі.

Рэкалекцыі для хлопцаў, якія адбыліся з 6 па 8 снежня 2013 года ў манастыры св. Альфонса Кангрэгацыі рэдэмптарыстаў у Львове (Украіна), наведалі таксама хлопцы з Беларусі з менскай парафіі Маці Божай Нястомнай Дапамогі. Адзін з іх, Алег, дзеліцца сваімі ўражаннямі ад паездкі.

У рэкалекцыях удзельнічалі хлопцы з розных месцаў Украіны. З Беларусі нас было двох: я і Рыгор. Прыбыўшы на месца, прыйшлося трохі паблукаць па Львову, дзе “навігатар” Грыша правёў мяне некалькі разоў каля адных і тых жа мясцін са словамі: “Ды мы ідзем усё добра, я тут быў, не хвалюйся”:) У манастыры нас прынялі вельмі добра, мы адразу далучыліся да размовы з братамі і малітвы.

«Як гляну на неба, твор рук Тваіх, на месяц і зоркі, якія Ты стварыў, дык хто ёсць чалавек, што Ты памятаеш пра яго, і сын чалавечы, што Ты пра яго дбаеш?» (Пс 8:4-5)

Гэтыя словы псалма добра перадаюць пачуцці чалавека, які, узіраючыся на веліч Божага тварэння, стараецца зразумець, чаму Бог прыдае так шмат увагі такой нязначнай істоце, як чалавек. Падсвядома аўтар адчувае, што ў плане Божага тварэння чалавек займае асаблівае, хоць яшчэ не зусім для яго зразумелае месца.

Блізкасць Бога да чалавека гэта вялікая праўда, якую нам адкрывае свята Нараджэння Хрыстовага. Бог прыйшоў у свет людзей як чалавек, каб увайсці ва ўсе нашыя турботы і клопаты і дапамагчы нам вызваліць сваё жыццё ад іх. 25 снежня разам з мільёнамі хрысціянаў свету гэтую падзею святкуюць і беларускія грэка-каталікі. Парафія Маці Божай Нястомнай Дапамогі ў Менску ў гэты дзень таксама адзначае год душпастырскай працы на парафіі беларускіх айцоў-рэдэмптарыстаў, якія на Раство 2012 г. урачыста распачалі тут сваё служэнне. З гэтай нагоды парафіяльную супольнасць наведаў протаігумен Львоўскай правінцыі Кангрэгацыі рэдэмптарыстаў а. Ігар Каліснык.

13 кастрычніка 2013 года ў горадзе Тарагона, Іспанія, адбылася беатыфікацыя шасці іспанскіх мучанікаў рэдэмптарыстаў: а. Хаўера Гарастэрацы Хаўнарэны і пяці яго субратоў. 20 снежня 2012 г. Папа Бенядыкт XVI падпісаў дэкрэт аб іх мучаніцтве. Свята беатыфікацыі вялікай групы больш за 500 іспанскіх мучанікаў правёў кардынал Анджэла Амата, прэфект Кангрэгацыі па справах святых і дэлегат Папы Францішка.

Новыя блаславёныя рэдэмптарысты належалі да супольнасці св. Піліпа ў горадзе Квенка ў Іспаніі. Загінулі мучаніцкай смерцю ў часе іспанскай грамадзянскай вайны, якая доўжылася ад ліпені 1936 года да красавіка 1939 г. Сярод іх пяць святароў і адзін брат: а. Хаўер Гарастэрацу Хаўнарэна (1877-1936), а. Сірыяк Аляртэ Перэс дэ Мендыгурэн (1893-1936), а. Міхал Гані Арыс (1902-1936), а. Юліян Поза Руіс дэ Саманіега (1903-1936), а. Пётр Рамэра Эспеха (1871-1938) і брат Вікторыян Кальва Лазана (1896-1936).

22 верасня 2013 г. у грэка-каталіцкай парафіі Маці Божай Нястомнай Дапамогі ў Менску адбылося незвычайнае моладзевае спатканне. Нагодай для сустрэчы стаў дзень народзінаў айца-рэдэмптарыста Антона Нікалаева, які працуе ў гэтай парафіі. Па словах а. Антона, мэтай мерапрыемства было сабраць хрысціянскую моладзь, каб больш яе згуртаваць, а таксама запрасіць нецаркоўную моладзь, каб пазнаёміць з Царквой, з хрысціянскай моладзю.

2 верасня 2013 г. менскія грэка-каталікі ў заўпакойнай малітве памянулі протапрэзбітара Яна Матусевіча ў 15-я ўгодкі ягонай смерці. Айцец Ян быў першым душпастырам грэка-каталікаў у Беларусі, які пачаў адкрытую душпастырскую дзейнасць, а пазней стаў пробашчам першай зарэгістраванай парафіі праведнага Язэпа ў Менску.

Яго святасць Папа Францішак, занепакоены складанай палітычнай сітуацыяй у Сірыі (а таксама ў многіх краінах свету), якая ўсё пагаршаецца, звярнуўся з заклікам да ўсёй Каталіцкай Царквы, да іншых веравызнанняў і да ўсіх людзей добрай волі аб’яднаць свае высілкі ды дзеянні на карысць міру. Пры гэтым Святы Айцец падкрэсліў, што не культура вайны і канфліктаў, але культура сустрэч і дыялогу вядзе да ўсталявання міру. У сувязі з гэтым Папа Францішак абвясціў дзень 7 верасня 2013 г. — Перадсвяцце Нараджэння Найсвяцейшай Багародзіцы – днём посту і малітвы ў інтэнцыі міру ў Сірыі, на Блізкім Усходзе і ва ўсім свеце.

Х міжнародны з'езд рэдэмптарысцкай моладзі закончыўся ў Сан-Сперата на в. Сардынія (Італія) 12 жніўня 2013 г. Удзел у ім прымала таксама маленькая група беларускіх грэка-каталікоў. «Экзатычная прырода, бязмежнае мора, а таксама цэлы акіян маладых твараў стваралі надзвычай прыгожы краявід. І ты адчуваў сябе часткай вялікага і непаўторнага Божага тварэння... Адчуваў сябе часткай той незямной любові, якой агортвае нас Госпад... Адчуваў сябе часцінкай той вялікай сям'і - супольнасці, якую кожны з нас творыць. Дзякуй Богу за такія добрыя і непаўторныя імгненні, за тое, што нягледзячы на ўсе Ён нас любіць і падтрымлівае на сцежцы нашага жыцця».

Ужо традыцыйна на свята Перамянення Госпада нашага Ісуса Хрыста па юліянскім календары19 жніўня браты-рэдэмптарысты Львоўскай правінцыі Кангрэгацыі Найсвяцейшага Адкупіцеля складаюць свае зарокі, а кандыдаты ў Кангрэгацыю прымаюць аблучыны і пачынаюць навіцыят. У гэтым годзе гэты дзень стаў чарговым крокам у пакліканні для 23 нашых субратоў. Аблучыны, вечныя зарокіі аднаўленне часовых зарокаўсёлета адбыліся ў г. п. Гняздзічаў (Кахавіна) Жыдачаўскага раёна Львоўскай вобласці (Украіна) ў храме Пакрова Найсвятой Багародзіцы.