Каб мы былі: Дзень памяці св. Еўфрасінні Полацкай

23 траўня ўшаноўваем памяць св. Еўфрасінні Полацкай, якую кожны беларус ведае як асветніцу Беларусі. Такі тытул - асветніца - Еўфрасіння атрымала за сваю дзейнасць на духоўнай і адукацыйнай ніве, засноўваючы манастыры, храмы, пры якіх дзейнічалі школы. Разам з гэтым яна - святая, а святасць чалавека вызнаецца Царквою для таго, каб паставіць жыццё праведніка ў прыклад жывым. Які ж прыклад кожны з нас можа ўзяць з жанчыны, якая жыла амаль тысячу гадоў таму?

Святы Дух – рухавік евангелізацыі

Папа Францішак працягнуў свае разважанні над “Сімвалам веры”. Падчас агульнай аўдыенцыі 22 траўня 2013 г. на плошчы св. Пятра Пантыфік нагадаў, што ў яго тэксце, адразу пасля вызнання веры ў Святога Духа, ёсць словы: “Веру ў адзіную, святую, паўсюдную і апостальскую Царкву”. “Існуе глыбокая сувязь паміж гэтымі двума рэальнасцямі веры: гэта Святы Дух дае жыццё Царкве і кіруе яго крокамі. Без пастаяннай прысутнасці і дзейнасці Святога Духа Царква не зможа жыць і рэалізоўваць заданне, якое ўваскрослы Ісус даверыў ёй: ісці і навучаць усе народы”, - сказаў Папа. Святы Айцец падкрэсліў, што абавязак евангелізацыі ляжыць на ўсіх членах Царквы. “Кожны павінен евангелізаваць, перш за ўсё сваім жыццём!” - сказаў ён і нагадаў словы Папы Паўла VI пра тое, што “евангелізацыя гэта ласка і пакліканне Царквы, яе самая глыбокая ідэнтычнасць”. Францішак адзначыў фундаментальную ролю Святога Духа, які мабілізуе да абвяшчэння Евангелля.

Верны шлях: Компас

Рэкалекцыі для моладзі прайшлі ў Баранавічах 20 красавіка 2013 г. На працягу дня душпастыры грэка-каталіцкай парафіі Маці Божай Нястомнай Дапамогі ў Менску айцы-рэдэмптарысты Антоній Нікалаеў і Зміцер Чарнель расказвалі, як знайсці правільны жыццёвы шлях, як шукаць адказы на пытанні ў кнігах Святога Пісання і ў чым сутнасць хрысціянства. 

Разам да смерці!

У суботу 13 красавіка 2013 г. на парафіі Маці Божай Нястомнай Дапамогі сямейная пара Юрыя і Ганны прынялі таінства шлюбу. Як і многія іншыя беларусы, гэта сям’я ў свой час была пазбаўленая магчымасці пазнаць праўду пра Бога, а разам з тым – Ягонага блаславення.

Папа Францішак: інтэрпрэтацыя святых тэкстаў павінна адпавядаць Традыцыі Царквы

На інтэрпрэтацыю Святога Пісання звярнуў увагу Папа Францішак падчас сустрэчы з удзельнікамі пленарнага пасяджэння Папскай біблійнай камісіі на тэму «Натхненне і праўда ў Бібліі». Пасяджэнне праходзіла ў Ватыкане з 8 па 12 красавіка 2013 г.

Малітоўны ўспамін у Міжнародны дзень вызвалення вязняў нацысцкіх лагераў

11 красавіка адзначаецца Міжнародны дзень вызвалення вязняў нацысцкіх лагераў. Ён быў уведзены паводле рашэння ААН у памяць пра міжнароднае паўстанне вязняў канцэнтрацыйнага лагера “Бухенвальд”. 11 красавіка 1945 году над Бухенвальдам залунаў сцяг свабоды.

11 красавіка 2013 году апостальскі візітатар для грэка-католікаў Беларусі адслужыў памінальную паніхіду на тэрыторыі лагера “Майданак” у Любліне. 

Гарадзенская парафія вітае свайго сына

У Нядзелю Тамаша 7 красавіка 2013 г. у гарадзенскай парафіі Маці Божай Фацімскай адбылася прыміцыйная Літургія новавысвечанага грэка-каталіцкага святара. Яшчэ на самым пачатку а. Андрэй Крот, настаяцель парафіі, прывітаўшы ўсіх, хто прыйшоў на нядзельную Службу ў капліцу каля касцёла Найсвяцейшага Адкупіцеля, прадставіў а. Зміцера Чарняля, рэдэмптарыст, які паходзіць з гэтай парафіі. Хаця прадстаўленне было не вельмі патрэбным, бо амаль кожны з прысутных ведаў а. Зміцера асабіста. Тут сабраліся сталыя парафіяне, хто памятае яго яшчэ з часоў, калі ён наведваў набажэнствы, якія праводзіў а. Віктар Данілаў.

Свята Хрыста Чалавекалюбцы

7 красавіка 2013 г., у першую нядзелю пасля Пасхі, грэка-каталіцкая парафія Хрыста Чалавекалюбцы ў г. Маладзечне Менскай вобл. святкавала храмавае свята. Ва ўрачыстай Святой Літургіі ўзялі ўдзел дэкан Цэнтральна-Заходняга дэканату імя блаславёнага Мікалая Чарнецкага а. Яўген Усошын, айцы Антон Нікалаеў, рэдэмптарыст і Аляксандр Шыбека разам з вернікамі і прадстаўнікамі хору “Прасфара”.

Народжаны звыш

23 сакавіка 2013 г. на парафіі Маці Божай Нястомнай Дапамогі ў Менску адбыўся хрост. У Беларусі стала на аднаго хрысціяніна болей!

Велікапосныя рэкалекцыі

Айцы-рэдэмптарысты правялі вялікапосныя рэкалекцыі на беларускіх парафіях. 22-24 сакавіка 2013 г. а. Зміцер Чарнель наведаў лідскую парафію св. Язафата, а 25-26 сакавіка ў гарадзенскай парафіі Маці Божай Фацімскай духоўныя навукі праводзіў а. Антон Нікалаеў.