Дні ўспаміну Рыгора Барадуліна ў Менску

Гэтымі днямі краіна ўшаноўвае памяць памерлага год назад народнага паэта Беларусі Рыгора Барадуліна. У суботу, 28 лютага 2015 г., у дзень малітвы за памерлых на грэка-каталіцкай парафіі Маці Божай Нястомнай Дапамогі (зав. Снежны, 7) а 10 гадз. адбузецца Святая Літургія за супакой.

У першую гадавіну смерці народнага паэта ў панядзелак, 2 сакавіка 2015 г., а 18 гадз. у капліцы грэка-каталіцкага Цэнтра св. Язэпа па вул. Арджанікідзе д. 6 будзе адслужаная Паніхіда за супакой душы спачылага.

У пятніцу, 27 лютага 2015 г., а 18:30 у Палацы мастацтваў адбудзецца вечар памяці і прэзэнтацыя кнігі мэмуараў «Дзённікі і запісы» (1951–1969 гг.), выдадзеныя Наталляй Давыдзенкай, якая яшчэ пры жыцці Рыгора Барадуліна пачала збіраць дакумэнты і знайшла ў Вушачах унікальныя школьныя дзённікі паэта. Кніга выйшла намаганнямі МГА «Згуртаванне беларусаў свету «Бацькаўшчына» і ГА «Саюз беларускіх пісменнікаў» у выдавецтве «Кнігазбор».

 

Пастырскае слова апостальскага візітатара для грэка-католікаў Беларусі на Нядзелю праваслаўя 2015 г.

Пачэсныя айцы святаслужыцелі!
Дарагія манахі, манахіні і браты-семінарысты!
Любыя ў Госпадзе браты і сёстры! Паважаныя сябры!

1. Вялікі пост – гэта час, калі Святая Царква заклікае нас увайсці на шлях больш цеснай сувязі з Ісусам Хрыстом, наблізіцца да таямніцы Яго пакут і Уваскрасення.
На пачатку Вялікага посту ў гэтым годзе Яго Святасць Папа Рымскі Францішак нагадаў нам, што чалавек – стварэнне абмежаванае, грэшнае, якое патрабуе пакаяння і навяртання да Бога. Навярнуцца да Бога «ўсім сэрцам» значыць, па словах Папы, «ступіць на шлях не павярхоўнага перамянення, а на духоўны шлях, пракладзены ў сэрцы чалавека, там, дзе засяроджаны яго пачуцці і адносіны, там, дзе ён робіць выбар».

Рэдэмптарысты ў Еўропе

Канферэнцыя рэдэмптарыстаў Еўропы пачала Новы 2015 год з невялікімі зменамі.

У цяперашні час у Еўропе налічваецца 15 структурных адзінак Кангрэгацыі: 12 правінцый, 2 віцэ-правінцыі, 1 рэгіён.

Свята богапасвячанага жыцця

Дзень богапасвячанага жыцця адзначаецца штогод у Каталіцкай Царкве 2 лютага, на свята Сустрэчы Госпада нашага Ісуса Хрыста. У 2015 г. святкаванне супадае з правядзеннем Года богапасвячанага жыцця, які пачаўся 30 лістапада 2014 г.

“Пакліканне да манаства - найвялікшая ласка, якую Бог пасля хрышчэння душы можа даць” (Св. Альфонс Лігуоры).

Калядны канцэрт братоў-рэдэмптарыстаў

Браты-рэдэмптарысты са Львова (Украіна) у калядны час наведалі са святочным канцэртам грэка-каталіцкія парафіі ў Менску. 10 студзеня пасля Вячэрні і 11 студзеня пасля Святой Літургіі вернікі парафіі Маці Божай Нястомнай Дапамогі мелі цудоўную магчымасць акунуцца ў атмасферу вясёлага ўкраінскага святкавання Божага Нараджэння.